На 11 ноември 2025 год. имамвме чест да не посети Г-динот Михаел Преис Секретар на Ротари Клубот од Саранак Лејк, Њујорк.
За време на посетата на Р.Македонија, Г-динот Михаел Преис беше во посета на нашиот клуб и присуствуваше на нашиот редовен клубски состанок.
Еве што ни напиша тој ден после состанокот: „Ви благодарам за гостопримството на вчерашниот состанок. Уживав во средбата со сите и во гледањето како работи вашиот клуб.
Јас сум од Ротари клубот од Саранак Лејк, Њујорк. Езерото Саранак се наоѓа на околу 8 милји од Лејк Плесид, кое беше домаќин на Зимските олимписки игри во 1932 и 1980 година. Се наоѓаме во средината на планините Адирондак, на околу 5 часа возење од Њујорк, но само околу 1 1/2 часа од Монтреал, Канада. Клубот има околу 30 членови и ќе ја прослави својата 100-годишнина на 14 април 2026 година; ве поканувам сите да дојдете да ни помогнете да прославиме! Се приклучив на Ротари во Анкориџ, Алјаска, на 1 декември 1975 година, па за помалку од еден месец ќе наполнам 50 години член. За мене е чест што сум бил поврзан со толку истакната и посветена група луѓе толку долго време. Се пензионирав пред околу 13 години како професор по маркетинг на Универзитетот во Илиноис во Урбана-Шампејн. Ова е моето прво патување во Македонија и уживам во можноста да ја доживеам вашата прекрасна земја.“
Разменивме мислења, идеи и искуства и срдечно му се заблагодаривме за неговата ненадејна посета која многу пријатно не изненади сите нас.

Еве неколку незаборавни моменти од настанот: