За да ја подигне свеста за состојбите со менталното здравје, особено по ковид пандемијата, но и да инспирира промена во ставовите кон овие прашања, „Ротари Клуб Скопје Интернационал“, во текот на 2022 година реализираше отворени разговори на тема „Криза на менталното здравје, знаеме ли што ни се случува? Пандемија во пандемија.“
Во тој правец, беа реализирани серија настани со стручни лица од областа на актуелни теми: „Како да препознаете анксиозност? Рефлекторите свртени кон средношколската популација“ „Фобии и стравови – дали се работи за исти состојби? “, „Депресија и анксиозност, знаеме ли доволно за тоа?“, „Психози, што е тоа?“, „Панични напади – дали умот го владее разумот“ итн. Настаните во стручниот дел беа водени од Ана Попризова, психолог и гешталт терапевт и Василка Димитровска , психолог.
Инаку, повеќе од 450 милиони луѓе во светот страдаат од нарушување на менталното здравје, а околу 20 отсто од децата и адолесцентите имаат ваков тип на проблеми, се вели во извештајот на Светската здравствена организација. Нарушувањето на менталното здравје се зголеми во време на пандемијата предизвикана од Ковид-19 и стана дополнителен ризик-фактор за луѓето, а лицата кои се соочуваат со вакви проблеми понекогаш не се свесни за својата состојба. Темата е сеуште многу актуелна.

Еве неколку незаборавни моменти од настанот: